今晚嚟咗尖東食台灣嘢，平時食台灣嘢嘅地方比較逼，哩間環境寬敞，坐得幾舒服，係冷氣比較凍，由於太肚餓嘅關係，全部食物清晒！😂😂😂
🔶🔶🔶🔶🔶🔶
1.招牌紅燒牛肉麵
湯底夠濃，但唔會太咸，牛肉大大舊，而且炆得好腍，不過啲麵如果腍多啲啲就更好。
🔶🔶🔶🔶🔶🔶
2.鹽酥小拼盤（鹽酥雞，脆薯，花枝丸）
脆薯即係炸地瓜，再配埋話梅粉，正！鹽酥雞唔算油膩，但咸咗啲啲。花枝丸炸得幾香口。
🔶🔶🔶🔶🔶🔶
3.夜市小香腸
台灣腸不嬲都好好食，但喺香港食果啲多數肥膏比例較高，但哩間啲腸無乜肥膏幾好味，同我喺台灣食嘅差唔多。
不過近排係咁食，食到塊面愈來愈圓，但又唔見個身大隻返啲喎😒😒😒